türkxatun 



türk qadın xatun arvad qız ana bacı yoldaş arxadaş emekçi



SOZUMUZ LINKS

Turkxatunتورك خاتين qadincaقادينجا تركه ن- تركيم وئبلاقي بيزيم مرضييه

سٶزوموز سٶزوموز

سؤزوموز- وبلاگ عمومى تركهاى ايران
سؤزوموز- در پرشين بلاگ
ايلخان- تركهاى جنوب و مركز ايران
افشار- وئبلاگ تركهاى خراسان
آدليم توركلر- مشاهير تركهاى ايران
شاه ايسماعيل ختايى صفوى
دده قورقود وئبلاگى


HOME
ARCHIVES
EMAIL



Moda-Deb Xeberleri

Moda-Deb

باغلانتىلار-لينكلر-سايتلار

گونئی آزه ربایجان قادین درگیسی قادینجا-آزه ربایجان قادین درگیسی
Qadın
آذر قادين(حقوق زنان حقوق بشر است)
گونئی آزه ربایجان اؤيره نجي قادینچیلار
آزه ربایجاندا قادین سسی
توركييه قادينلاري
قادين-اردم وئبلاگى
دورنا- قادين صحيفه سى
تريبونت- قادين مسئله سى بؤلومو
قادين مساله سى-اوجاق
قادين لار- آمئريكانين سسى رادييوسو

جمعيتهاى زنان در آذربايجان- آذربايجاندا قادين درنكلرى


Çağdaş Azerbaycan Kadınları
Creative Women Association
Azərbaycan Qender İnformasiya Mərkəzi
Azərbaycan Qadınlarının Respublika Cəmiyyəti
Azərbaycan Qadınlarının Bakı Asosiyasiyası
Azəri-Türk Qadınlar Birliyi
Dilarə Əliyeva adına Azərbaycan Qadın Huquqlarını Müdafiə Mərkəzi
Azerbaycan Qadın ve İnkişaf Mərkəzi
"Sevil" Azərbaycan Qadınları Məclisi
"Neftçi" Qadınlar Cəmiyyəti
Azərbaycan Respublikası "Əlil Qadınlar" Cəmiyyəti
Azərbaycan Respublikası "Universitet Təhsilli Qadınlar" Cəmiyyəti
Yəhudi Qadınlarının Humanitar Asosiyasiyası
Azərbaycan Respublikası "Nəcib xanımlar" İncəsənət Birliyi
Azərbaycan Respublikası Yaradıcı Qadınlar Asosiyasiyası
Şəhid Uşaqları və Anaları Xeyriyyə Mərkəzi
Qender və İnsan Huququ Araşdırma Birliyi
"Qadın və Muasir Dünya" Sosiyal-Xeyriyyə Mərkəzi
"Göyçe Gölü" Qadınlar Cəmiyyəti
"Ãœmid" Analar Cəmiyyəti
Qadın Problemlərinin Tədqiqatı Birliyi
"Sənsiz" Xeyriyyə Cəmiyyəti
Azərbaycan Ziyalı Qadınlar Birliyi
Azərbaycan Qadın-Menecerler Asosiyasiyası
"Tomris" Analar Cəmiyyəti
"Məneəvi Tərəqqi" Qadın İctimayi Birliyi
Respublika "Şəhid Anaları" Xeyriyyə Mərkəzi
"Azәrbaycan Qadınları Zaqafqaziyada Sülh vә Demokratiya Uğrunda" Tәşkilatı
Başqa Təşkilatlar

Audio-Video

Xurşid Banu Natəvan- Şe'ləri
Qulaq Asın: Azərbaycan Mahnıları- MP3
سحر خانيم: ايتگين اولدوز
نيگار رفیع بیلىدن بير شئعر: یئردن قالخان طيياره لر
گوگوش واشينگتوندا
قادينلارين آذربايجان و دونيادا ساتيلاماسي
فيرانسادا ايسلامي حيجاب مساله سي
آذربايجاندا قادينلارين سئچگیلرده ايشتيراکی
آمريكادا قادينلارا تجاووز
ايراندا قيز و قادينلارين دورومو- وضعيت زنان و دختران در ايران
Listen To Aziza Mustafazade
فيدان و خورامان قاسيمووايلا-ابوظبى كونسئرتى

زهره وفايى: آثار-ياپيت لار

آذربايجانين ميللي حركتي و آمريكا
تاريخ بيزي گؤزله مه يه جك!
آفت هاى حركت ملى
عصرين هانسى بؤلومونده دايانميشيق؟
نارضايتي ها را جدي بگيريم!
اشتباه بزرگ خليفه معتصم
حيدر عم‌اوغلو
مزدك
چرا آذربايجان قهرمانان خود را از ياد نمي برد؟!
آثار باستاني آذربايجان به روايت تصوير -۱
اوشاق نمايشي: يارديم چيل دوستلار
زهره وفايي نين اثرلري
غوربتده‌ سؤنموش‌ اولدوزلار
زهره‌ وفائی‌: «مكتوب‌»
انجمن‌ كتاب‌ دوستان‌ آذربايجان‌

يازار-قوشوقچو-آراشديرماچى-اديب. نويسنده-شاعر-محقق

پريسا بابائی‌ فرد
مينا اسدلي
فريده اصغرنيا
ثريا بخشي
ليلا حيدري
عاشيق پرى خانيم
شمس كسمائى
ايرئنه مليكوف
زهره وفايى
پروين اعتصامى
خورشيدبانو ناتوان
مه ستى گنجوى
مدينه گلگون
حكيمه بلورى
شراره انصارى

Məqalələr-Azərbaycan Türkcəsində

قادينلاری آييريتماغی ياساقلاما کونوانسييونو
آذربايجان قادين‌ حركاتي: تئللي‌ زري‌ و سريه‌ خانيم‌
ايسوئچلى قادينلارين ايجتيماعى-سيياسى دوروملارى
حيجاب رونئسانسى
بيرليكده ياشاما و هله ده سئوگيلى قالابيلمه
آذربايجاندا قادين مطبوعاتى

يازيلار-آراشديرمالار. نوشته ها-بررسىها

زنان‌ تبريز در سنگرهاي‌ مشروطه‌خواهي
حق راى زنان آذربايجان: نخستين در ايران وعالم اسلامى
زن ترك هرگز در هم نخواهد شكست
مساله زن و تبعیض جنسی در ایران-صداى اروميه
ستم ملي و ستم جنسي در ايران-عليرضا اردبيلى
ملاحظاتى در باره مساله زن-اشرف دهقانى
٨ مارس روز جهانى زن-اشرف دهقاني
ويژه نامه روز جهانى زن-دونيا قادين گونو. آبتام
جايزه صلح نوبل در خدمت تداوم خشونت در ايران

Women of Azerbaijan- English Articles

Seljuk female clothing
Women in Turkish Safavid Era
Timurid and Safavid Women in the Visual Arts
Women's Rights in Azerbaijan
Status of Women in Azerbaijan
Azerbaijan: Women And Work
Rights for Women, Mirvarid Dilbazi
To Marry A Westerner?

كتابخانه زن- قادين كيتابليغى

داستان زندگى رفيق هريسى- مرضيه اسكويى
دختران كولى- مرضيه اسكويى
تجربه نخستين مرگ- مرضيه اسكويى
برخي از آثار اشرف دهقاني

سياست دونياسى- دؤولت قادينلارى. دنياى سياست- دولت زنان

توميريس
طاهره زرين تاج قره العين
طاهره زرين تاج قره العين
مرضيه اسكويى
اشرف دهقانى
فاطمه امينى
زينب پاشا
تئللى زرى- سرييه شاهسئون

ملكه لر٫ پرنسس لر

زهرا خانم تاج السلطنه قاجار
ملكه جهان قاجار
مهد عليا
شاهزاده اشرف فخرالدوله
عصمت الملوك دولتشاهى

رسيم-هئيكل-معمارليق. نقاشى-مجسمه سازى

فرح نوتاش
مهشيد رحيم تبريزى
سپيده فرزام
فرح اصولى-زنجان
Mustafa Zadeh Aziza

صحنه-سينما-تئاتر

گوگوش: رسيملر- عكسها
جميله شيخى
تهمينه ميلانى
مينا جعفرزاده
افسر اسدي
ثريا حكمت
نسرين مقانلو
فرحناز منافى ظاهر
زيبا نادري
شيرين بينا
First Azerbaijani Woman on Stage, Shovkat Mammadova

موسيقى-رقص-باله-آواز-اوپرا

آتشپاره-اقدس نجفى برين
فايقه آتشين گوگوش
پروانه خانم قشقايى
تاج السلطنه قاجار
عزيزه مصطفىزاده
خرامان قاسيمووا
فيدان قاسيمووا
Azerbaijan's First Ballerina, Gamar Almaszade
Opera Singer, Khuraman Gasimova
Aziza Mustafa Zadeh: Jazz, Mugam, Essentials of My Life
All Eyes On Aziza
The Oriental Princess of Jazz

دب- مد- گؤزه لليك

Modeling and Fashion in Azerbaijan
ريتا جبلى
نيگار طاليبووا

ورزش-ايدمان

Azerbaijani women and Circus Life

سايتهاى پروين اعتصامى

 
<$BloFriday, March 16, 2007



تورك تركه ن، تريم و دٶولت قادينلارينين ليستي و اٶزگئچميشلريني ايچه ره ن آشاغيداكي يازينين بوتٶوونو اوخوماق اوچون لوطفن
تركه ن- تركيم وئبلاقي`نا باش وورون.

براي خواندن متن كامل نوشته زير از كتابچه دولتزنان ترك، شامل ملكه ها، شاهزاده خانمها و دولتزنان ترك لطفا به وئبلاق تورك تركه ن-تريم (ملكه و شاهزاده خانمهاي ترك) مراجعه كنيد:


تورك تركه ن- تريمتورك تركه ن- تريم

-------------------------------------------------------

تورك و آزربايجان دٶولت قادينلاري

TÜRK VƏ AZƏRBAYCAN DÖVLƏT QADINLARI


دولتزنان ترك و آزربايجان

مئهران باهاري


دونيا قادينلار گونو- اورتاگون- ٠٨ بوزآي- ٢٠٠٧
روز جهاني زن- پنجشنبه- ٠٨ مارس- ٢٠٠٧




تومريس تركه ن، هخامنيش كوروش`ون كسيك باشيني الينده توتاركن
ملكه تومريس در حاليكه سر بريده كورش هخامنشي را در دست گرفته است



ابن بطوطه در باره زنان ترك:

"مقام زن پيش تركها و مغولها خيلي بلند و محترم است چنانكه بالاي فرامين شاهي مينويسد: به فرمان سلطان و خواتين ....." سفرنامه ابن بطوطه (ص ٢٤٨)

"چيزي كه در اين بلاد (تركان) مايه تعجب فراوان بود احترامي بود كه (تركان) در باره زنان خود داشتند. مقام زن در ميان اين مردم بيشتر از مقام مرد است ...

امير (تركان) در پيش خاتون برخاست و سلام كرد و او را در كنار خود نشاند. كنيزكان، خاتون را در ميان گرفتند و آنگاه (شراب) قميز آوردند. خاتون قدحي ريخت و به دو زانو در برابر امير نشسته قدح را به دست او داد. ... امير نيز قدحي به خاتون داد و با هم طعام نشستند ... پنجره هاي اطاقك را نميبندند. روي زن هم باز است، چه زنان ترك چادر به سر نميكنند. (سفرنامه ابن بطوطه ص ٣٧٠)

در روز دهم به شهر علايا كه اول بلاد روم است رسيديم ... در اين مرز و بوم به هر زاويه يا خانه اي كه وارد ميشديم همسايگان از زن و مرد به ديدار ما ميآمدند زنان اين نواحي در حجاب نيستند ... اين شهر علايا كه نامش برديم شهري است بزرگ كه در ساحل دريا واقع شده و مردم آن ترك هستند.

طاش خاتون (در شيراز) بر عادت زنان ترك معمولاً با روي باز بيرون ميرفت. (سفرنامه ابن بطوطه ص٢٢٣)


ابن بطوطه در باره زنان فارس (شيراز):

زنان شيرازي موزه به پا ميكنند و هنگام بيرون رفتن از منزل خود را ميپوشانند و برقع بر رخ ميافكنند .... (سفرنامه ابن بطوطه ص٢١٧)


فهرست:

- روي جلد (مجسمه تومريس با سر كورش)– ص ١
- ابن بطوطه در باره زنان ترك و فارس – ص ٢
- فهرست – ص ٣
- وضعيت زنان در دوره تركي تاريخ ايران – ص٣
- احترام به حقوق زن معياري مهم در سنجش تمدنهاست – ص ٤
- تعاريف و اصول – ص ٥
- مونقولها و تركان موغول – ص ٥
- معني چند اصطلاح و رتبه تركي در نام دولتزنان ترك – ص ٦
- دولتزنان ترك و آزربايجان – ص ٧ تا ص ٤٣
-------------------------------------------------------



تورك تركه ن، تريم و دٶولت قادينلارينين ليستي و اٶزگئچميشلريني ايچه ره ن آشاغيداكي يازينين بوتٶوونو اوخوماق اوچون لوطفن تركه ن- تركيم وئبلاقي`نا باش وورون.

براي خواندن متن كامل نوشته زير از كتابچه دولتزنان ترك، شامل ملكه ها، شاهزاده خانمها و دولتزنان ترك لطفا به وئبلاق تورك تركه ن-تريم (ملكه و شاهزاده خانمهاي ترك) مراجعه كنيد:


تورك تركه ن- تريمتورك تركه ن- تريم

Labels: , , ,

posted by <$BloThursday, March 08, 2007


قادينين رولو تاريخده

صديقه عدالتي[1]

ايشاره: بو مقاله 1383-جو ايل تبريزين بيرينجي قادين كنگره‌سي اوچون حاضيرلانميشدير.

بو چيخيشدا آماجيم، بيزيم توپلوموموزدا قادينين دورومونو اينجه‌له‌مك و اونون حاقيندا راييج اولان اينانجلارا توخونماقدير.

بيزيم توپلوموزدا قادين ائله بير وارليقدير كي او داها دونيايا گلمه‌دن، اونون عليهينه اؤن‌يارقيلار باشلاميش و احكام‌لار كسيلميشدير: بير قادين حاميله ‌ايكن اگر چيركين‌لشميشسه اونون دونيايا گتيره‌جك اولان اوشاغي‌نين قيز اولاجاغينا و اگر آنا گؤزل‌لشميشسه حتماﱠ اوشاغي‌نين اوغلان اولاجاغينا قرار وئريلير.

قيز اوشاغينا وئريلن آدلار نه‌لردير؟ بير ياديميزا سالاق: اونون گؤزل‌ليگي، ظارافاتيني، حساس اولدوغونو، سؤزه باخان، صاديق و وفادار اولدوغونو وورغولايان آهنگلي آدلاردير. اوشاق اوغلانسا اونا وئريلن آدلار اونون عاغيل‌ليليغيني، گوجلو اولدوغونو، باشاريلي اولدوغونو گؤسترن آدلاردير.

بير قيزين عاغيل‌لي اولماسي گركمير يئتر كي قادينليغيني بيلسين، كيشي‌سينه خيدمت ائتمگي، هر كسين قاباغيندا باش اگمگي بيلسين. بيلمه‌مگي و اؤگر‌نمه‌مه‌سي گركن شئيلر ده وار، توپلوم اونا عوصيان ائتمگي، حاقّيني آختارماغي، قرار وئرمگي، دوشونمگي، آزادليغي و قيساجاسي اينسانجا ياشاماغي ياساقلاميش. اينسان توپلومدا ياشار و او توپلوم طرفيندن قبول اولماق اوچون، او توپلومون اونا بيچديگي روللارا اويماسي گركير. يوخسا او توپلوم اونو ردّ ائدر.

آنجاق توپلوم نه‌دير؟

بير توپلوم اورادا ياشايان اينسانلارين توپلولوغوندان عيبارتدير. بو او دئمكدير كي توپلومداكي قوراللاري دا، اورادا ياشايان اينسانلار قورار. دئمك، بير توپلومدا قادينين يئريني بلير‌له‌ين اورادا ياشايانلارين قويدوغو عادتلر، ايجتيماعي قراردادلار و قانونلاردير.

هر شئيين بير باشلانقيجي اولمالي. نه‌دير بو آجي گرچگين كؤكو كي بوتون توپلوملاردا قادين و كيشيلرله فرقلي داورانيلير؟!

حاقدان گئچمه‌يك كي گليشميش اؤلكه‌لرده‌كي قادينلار 100% اينساني حاقلارينا يئتيشمه‌ميش اولسالار بئله، دوروملاري بيزيم قادينلارا گؤره داها ايچ آچي‌جيدير. ان آزيندان اعتيراض ائتمگه حاقلاري وار، توپلومو و قانونلاري سورغولاماغا باشلاميشلار بئله. بيزيم توپلوموموزداكي قادينلارين دورومونا نه دئمك اولور. بيزيم توپلوموموزدا هله‌دي كي هله‌دي قادينلارين ان كيچيك اعتراضلارينين قاباغي آلينير. باغيرماغا، عوصيان ائتمگه و حاقلاريني ايسته‌مگه بئله حاقلاري اولمايان بو قادينلارين اؤزلريني آختاريب، تاپمالاريني، اؤزلرينه گوو‌نمه‌لريني و بو قادينلارين اينكيشاف ائديلمه‌لري نئجه گؤزلنه بيلير؟

قادين و كيشي‌نين آراسينداكي موناسيبتي، توپلومون قادينلارا هانسي گؤزله باخديغيني و سونوجدا قادينين يئريني توپلومدا آراشديرماق اوچون چوخ گئچميش ايللره قاييتمالييق. ياني تاريخدن اؤنجه‌كي توپلوملاري آراشيديرمالييق. اصلينده قادين و كيشي 30000 ايلي گئچن بير سوره‌ده ائشيت و باريش ايچينده بير ـ بيريله ياشاميشلار. ايندي بيزيم شاهيد اولدوغوموز دوروم، سون 3000 ايل مدنيتين تؤرمه‌سيدير. بونو داها آچيقليغا قوووشدورماق اوچون بيزه ان ياخين اولان داش دؤورونه باخمالييق. داش دؤورونو او زامانكي گليشمه‌لرينه گؤره نئولتيك و پالئولتيك دئيه آدلانديرميشلار.

پالئولتيك، نئولتيكدن اؤنجه‌كي دؤوره‌ده‌كي اينسانلار بير سونراكي آشامايا (مرحله‌يه) گؤره داها ايلكل (بدوي) شراييطلرده ياشايارميش. بو دؤوره‌ده قادينلار و كيشيلر آراسيندا بير ايش بؤلومو وار. قادين وحشي توخوم و بيتكيلري توپلويور، كيشي شيكارا مشغولدور و بونلارين ايكيسي ده ائشيت شراييطده ياشام موجاديله‌سينده‌ديلر. كيشيلرين داها تهليكه‌لي ايشله مشغول اولمالاري، اونلارين داها اؤنملي ايش گؤردوكلري آنلامينا گلمير. قادين تصميم توتما حاقّينا صاحيبدير.

بير سونراكي دؤوره‌ده‌كي يئني داش دؤورو (نئوليتيك) آنلامينا گلير قادينين ايشي بير آز داها دا دگر قازانير چونكو او اكينچيليگه باشلار. وحشي توخوملاري توپلاماقلا يئتينمه‌ييب، توخوم اكمگه، بيچمگه باشلار. وحشي حيوانلاري ائوجيل‌لشديرير. يئمك پيشيرير. تام آنلامييلا قادين اور‌تيمله
مشغول اولور. او اوزدن قادين طبيعتين آناسي دئيه تانينير. كيشيلر حيوانچيليقلا مشغولدولار. قادين، كيشي يئر و گؤيو اؤز آرالاريندا بؤلوشدورموشلر. قادين يئر تانريسي و كيشي گؤي تانريسيدير. يئنه آرالارينداكي ايليشكي برابر شراييطلرده‌دير. قادينين توپلومدا چوخ اؤنملي بير يئري وار. توپلومداكي بير چوخ قراري او وئرير. و او بدوي توپلوملارداكي بير چوخ اكونوميك و توپلومسال گليشمه قادينلارين ايبداعيدير. ايلك دفعه قادين ائو دوز‌لتدي، توپلومدا ياشاماق اوچون بللي قوراللارين قويولماسيني، ايلك دفعه قادينلار باشلاديلار، سبد و توخونما توخوماق، آتشي قوروماق، يئمك بؤلمك، ايش بؤلومو هاميسي قادينين ايبداعلارينداندير. بير توپلومدا ياشاماق اوچون گركن آداب ـ معاشرت قوراللارينين اورتايا چيخماسي، قادنيلارين فيكريدير. بو ايكي دؤور و بو ايليشكيلر 30000 ايل سورموشدور.

يوخاريدا سايديغيم اؤزلليكلر، او زامانكي بوتون اينسان توپلوملاريندا گؤرونور. آنجاق بيزده‌كي دوروم بير آز داها فرقليدير. بورادا قادينلار ديگر توپلوملارا گؤره داها دا يوخاري مقامداديلار. آنااركينليك بورادا گؤرونه‌بيلير. ائوليليكلر عاييله‌نين خاريجينده اولور عاييله ايچينده ائوليليكلره بو دؤوره‌ده راستلانمير. چونكو عاييله ايچينده‌كي ائوليليك آتااركينليك نيشانه‌لريندن بيريدير. مثلاﱠ ايلامي‌لر زامانيندا قادين كيشييه گؤره توپلومدا داها يوخاري حاقلارا صاحيبدير. و آز يا چوخ آنا‌اركينليك ياشانير. قادين قبيله رييس‌ليگي مقامينا يئتيشير، دين رهبرليگي گؤرويني آلير، و آتشي قورماق اونون اؤنملي وظيفه‌لريندندير.

ايلام شاهلاري قادينلاريندان (سئوگيلي قادينيم) عونوانييلا بحث ائتميشلر. حتّي يازيلاردا قادين و قيزلاريندان، اوغلان اوشاقلاريندان اؤنجه آد آپارميشلار. بونلار بونو گؤستريركي قيز اوشاغي او دؤورده اوغلان اوشاغيندان داها چوخ اؤنمليدير. لوور موزه‌سينده اسكي ايران تاريخينه باخديغيمزدا گؤروروك كي قادين هئيكل‌لري، فقط ايلامليلار زامانينا عاييددي، حتّي تخت ـ جمشيدده ده هخامنشيلر و مادلار و اونلاردان سونرا گلن دؤورلرده كسكينليكله قادين هئيكلينه راستلانمير.

آريالارين اؤلكه‌ميزه گلمه‌سييله برابر، آتااركينليك ايرانا يول آچدي. آنجاق بو توپلوم بيردن ـ بيره آنااركينليكدن، آتااركينليگه گئچمه‌دي و گلن آريالار ايلام تمدونونون ائتگيسيني اوزون ايللر قورودولار. مثلاﱠ ايلامليلارين اوچ قادين تانريسينا (دنا، آرميتي و آناهيتا يا) ائتمه‌لري پرستيش اوزون سوره آريالار طرفيندن مينمسندي.

تاريخي گليشمه‌لره باخساق آتااركينليك، دمير دؤورونون باشلانقيجييلا كي توليدده داها گوجلو بير وارليغا احتياج واريدي، اولوشدو. كؤله‌ليگين باشلانماسي و گئدرك اؤنم قازانماسي، آتااركينليگين داوام ائتمه‌سي و داها دا گوجلنمه‌سينه سبب اولدو. بو گليشمه‌لرين سونوجوندا زنگين و اصيل طبقه‌يه عاييد اولان قادينلار اورتيمدن تماما چكيليب و ائو ايچينده حبس اولدولار، آما اورتا و آشاغي طبقه‌لرده‌كي قادينلار، داها ياخشي بير مالي دوروما صاحيب اولماديقلاري اوچون مجبورا توليدده قاليب و توپلومدا يئرلريني قوردولار.

اولان بيتني اؤزتلرسك، گؤروروك كي اورتيم (توليد) آلتلرينين گليشمه‌سي، كؤله‌ليگين اولوشماسي و ماد دؤولتي‌نين قورولوشويلا برابر، اؤلكه‌ده آتااركينليك باشلاميشدير.

قادينلارين حرملرده اسير اولماسي، حيجابا بورونمه‌سي و كيشيلردن ايجتيماعي حياتدا آيريلماسي بئله اؤزلليكله هخامنيشي دؤورونده باشلار.

بو دؤوره‌ده اؤزلليكله سلطنتي عاييله‌لرده ائوليليكلر محرملرله دوزنلنيردي، آماج بير طرفدن عاييله ايچينده‌كي سرمايه‌نين داغيلماسي‌نين قاباغين آلماق و ديگر طرفدن ده صاف و اصيل قاني قوروماقدي، آنجاق ائوليليكلري عاييله ايچينده اولماسيلا بو هدفلره ال تاپماق اولوردو.

ساسانيلر زامانيندا چوخ ائوليليك واردي. زردوشت دينينده هر كيشي اؤزونون عاييد اولدوغو كاستدان ايكي قادين آليردي كي اونا شاهزن دئييلردي و آيري كاستلاردان‌ دا ايسته‌ديگي قدر قادين آليردي كي اونلارا چاكرزن دئييلردي. آيري بير ائوليليك شكلي‌ده وارايدي اونا استقراضي ائوليليك دئييلردي، آدينداندان بللي اولدوغو كيمين، كيشيلر قادينلاريني بللي بير سوره اوچون باشقاسينا بورج وئريرديلر. البتّه كي بو قادين آليش ـ وئريشينده كسين‌ليكله قادينلارين ريضايتينين اولوب ـ اولماديغي اهميتلي دگيلدي.

قادينلارين بو گونكو دوروملاري بير چوخ درجه‌ده ده دينلرين اولوشماسيندان ائتكيله‌نميشدير. اونا گؤره قادينين بوگونكو دورومونون اورتايا چيخماسيني آراشديريركن، دينلرين رولونو اونوتمامالييق.

بورادا اؤنملي نوقطه‌ني وورغولاماق ايستيرم كي دين و توپلوم بير ـ بيريندن ائتگيله‌نيب و بير ـ بيريني يؤنلنديرميشلر. هئچ بير زامان هئچ بير دينين گتيرديكلري توپلومداكي اينانجلاري بيردن بيره دگيشديرمه‌ميش، عئيني حالدا دين توپلومون اينانجلاريندان ائتكيله‌نميشدير. بورادا دؤرد اؤنملي دينين گتيرديكلريني آنلاتماغا چاليشاجاغام.

زرتشت دينينه قادين دوشماني يوخ آما قاديندان قاچان، عونواني وئريلميشدير. بو دينه گؤره قادين و كيشي برابر ياراديلميشدير هر ايكيسي اوشقون بيتگيسيندن ياراديلميشدير. آلتي دين كاهينلريندن اوچو قادينميش.

آنجاق بو دينده هر كيشي اؤز كاستيندان ايكي قادين آلابيليرميش و داها آشاغي كاستلاردان دا ايسته‌ديگي قدر قادين آليرميش و قادينلار اشياء كيمين آلينيب، ساتيليرميش.

يهود دينينده قادين، كيشي‌نين اوشاغي اولاراق گؤرولور. توراتا گؤره آللاه اؤنجه آدمي ياراتدي. آدم يالنيز قاليب، جاني سيخيلينجا يوخويا گئتدي. يهوه اونون سول قابيرقاسيندان بير سوموك آليب اوندان حوّاني ياراتدي. ياني بو اولايي اؤزتلرسك، آدم آللاهين اوغلو و حوّا دا آدمين قيزي ياني بير كيشينين اؤولادي اولور. آللاهلا آدمين آراسيندا، بير باشا رابيطه وار آما آللاهلا حوّانين آراسيندا مستقيم بير رابطه يوخ، چونكو اونلارين آراسيندا بير آدم واردير.

عوموميت‌له اسكي ديني كيتابلاردا قادين بير شئيطان اولاراق تانيتيلميشدير، چونكو اؤنجه حوّا شئيطانا اويموش ياني شئيطان طرفيندن قانديريلميش و سونرا دا او آدمي قانديرميشدير، دئييلير. دئمك بو كيتابلارا گؤره قادين دونياني فلاكته سوروكلميشدير.

مسيحيت ايلك اؤنجه قادينا چوخ يوكسك بير يئر وئريب و مريمي ياراداراق، قادينين مقاميني يوكستلدي. بو دينه گؤره اگر حوّا بير قادين اولاراق دونياني فلاكته چكميشسه، مريم ده بير آيري قادين اولاراق دونياني قورتارميشدير. مريم گوجلو بير قادين اولاراق صحنه‌يه گيرر كي كيشييه احتياجي اولمادان، آللاهين اوغلونو دوغموشدور. بيردن بيره كيليسانين كاهينلري اؤزونه گلير و گؤرور كي قادين گئنه يوكسلمكده و بير فاجيعه ياشانماقدادير، چونكو اگر قادين اؤزونه لاييق يئره گليرسه، اونلارين حياتي تهليكه‌يه دوشه‌جكدير. اونلار چاليشير كي آنلاتديقلاري حيكايه‌لرله قاديني يازيق و دگرسيز بير وارليق اولاراق گؤرسترسين و دئيير كي اصلينده مريم يازيق بير قاديندير كي اوشاق دوغماقدان باشقا بير ايش گؤرمه‌ميشدير. اصلينده دونياني قورتاران يئنه بير كيشي ياني عيسي مسيح‌دير.

ايسلام ديني‌نين ائتگيسيني آنلاتمادان اؤنجه بير آز جاهيليت زامانيندان دانيشمالييام، چونكو جاهيليت زاماني هميشه ايسلام ‌ايله موقاييسه اولونموشدور. هميشه ائشيديريك كي جاهيليت زامانيندا قيز اوشاقلاري ديري ـ ديري مزارا قويولوردو و سئوينيرديك‌ كي بيز جاهيليت زامانيندا ياشاميريق. زامان كئچديكجه و گئرچكلري آنلاماغا باشلاديغيميزدا گؤردوك ‌كي جاهيليت زامانيندا يالنيز قيز اوشاقلاري دگيل، اوغلان اوشاقلاري دا بير چوخ يئرده مزارا قويولور و بونون تماماﱠ اكونوميك عيلّتي واريدي. يالنيز يوخسول عاييله‌لرده اوشاق ديري ـ ديري قويلانيليردي آما بونا راغماﱠ، بير چوخ يئرلرده قادينلارين يوخاري مقامي واريدي، مثلاﱠ بعضي قبيله‌لرده، حتّي قادينلار بؤيوك سوروملولوقلار داشيرديلار. بير چوخ اوبانين باشقاني قاديندي، اورادا قادينلار آليش ـ وئريش و تيجاري موناسيبتلرده چاليشيرلار و قرار وئرمه يئتكيسينه صاحيبديلر. اؤز ائوليليكلري حاقيندا تصميم توتابيليرلر و ايسته‌مه‌ديكلري كيشييله، ائولنمگه مجبور ائديلميرلر. اونلار ردّ ائتمه حاقينا صاحيبديلر.

ايسلام قادينلار اوچون بللي حاقلار تانيدي و هر شئيدن اؤنجه قادينلارلا كيشي‌لرين بير تورپاقدان ياراديلديقلاريني و هئچ بيريسينين او بيريسينه اوستون اولماديغيني وورغولادي. شئيطانين اؤنجه حوّاني يوخ، بلكه هر ايكيسيني ياني آدم و حوّاني برابر قانديرديغيني سؤيله‌دي. كؤله قادينلارلا ائولنمگي تشويق ائله‌دي. و دئدي‌ كي كيشيلردن ان صالح اولاني اودور كي بير كؤله‌يله ائولنسين. قيزلارين دا آتالارينين وارليغيندا مال حاقلاري اولدوغونو وورغولادي. قادينا اؤز مالي حاقّيندا تصميم توتابيله‌جگيني و اؤلندن سونراكي ماللاري حاقّيندا وصيّت ائتمه حاقّينا صاحيب اولدوغونو وورغولادي. محرملرله ائوليليگي حرام قيلدي.

بير طرفدن محرملرله ائوليليك حرام اولموش، او بيري طرفدن قيزا مال و ايرث حاقّي وئريلميش. بو، ثروتين عاييله‌دن چيخماسي دئمكدير. پول و گوج صاحيبلري ال ـ آياغا دوشدولر. هم قيزي محرملرينه وئره‌ بيلمزلر و هم اونا دينين دئديگي كيمي مال وئرمگه مجبوردولار. اونا بير چاره دوشوندولر. چاره قيزي عم‌اوغلوسويلا ائولنديرمكدي. هم قيز عاييله‌نين ايچيندن بيريسييله ائولنير كي اوْنا محرم دگيل، هم آتاسيندان آلاجاغي ايرث، عاييله‌نين ايچينده قالاجاقدير. (بئله‌ليكله توپلومداكي قوراللار، يئني ديني شكيللنديرديلر.) هم دينلري قالدي و هم دوينالاريني قوروردولار.

ايسلام دؤورونون باشلاريندا قادينين مقامي يئنه يوكسكدير. قادين سياسي و ايجتيماعي فعاليتلره قوشولور.

بير چوخ زامان ايسلام تاريخينده گؤرونموشدور كي خليفه‌لر قادينلارين گوجلنيب و حاكيميّته يئتيشمه‌لريني بير تهليكه گؤرموش و قارشي‌سين آلماق اوچون اللريندن گلني ائله‌ميشلر. آما بوتون بو انگلله‌مه‌لره و موخاليفتلره راغماﱠ قادينلارين گوجله‌نملرينين قارشي‌سين آلانماميشلار. 6ـ جي عصردن 15ـ جو عصره قدر ايسلامي اؤلكه‌لرده اون‌بئش قادين حاكيمليگه يئتيشدي. بو قادينلارين آدينا سيكّه‌لر باسيلميش و اونلارين آدينا جومعه نامازيندا خوطبه‌لر اوخونموشدو. البته‌كي بونو اگر ايندي كي توپلوموموزدا دوشونورسك بلكه ده خياللارا سيغاميياجاق قدر اوزاق بير گئرچكدير. آما ايسلامين قورولماسينين ايلك ايللرينده بونو گئرچكلشديرن قادينلار وار.

راديجه و شدشراط‌الدر ايلك ايكي قادين سولطاندي كي تورك سويلو اولموش و مملوكلار زامانيندا حاكيميت قوردولار.

آلتي سولطان قادين دا موغوللار زامانيندا حؤكومته يئتيشديلر. يئديسي‌ده اندونزيا و مولداوي دا تخته چيخيب، حاكيميته يئتيشديلر.

مولداوييادا موسلمانلار 40 ايل بويونجا قادين سولطانلار طرفيندن ايداره اولدولار و اونونجو يوزايلده دؤرد قادين سولطان، اندونزي ده حكومت ائله‌ديلر.

راديجه دهلي‌ده 1236 ايلينده حاكيميت قوردو و دؤرد ايل حاكيميتده قالدي. بوتون تاريخچيلر اوندان باشاريلي بير دؤولت قاديني اولاراق بحث ائتميشلر. شدشراط‌الدر المعتصم زامانيندا ايدي، المعتصمين بوتون موخاليفتينه راغماﱠ 1250 ايلينده قاهر‌ده حاكيميته يئتيشدي. او فرانسيز هاچلي سفرلري‌نين عسگرلرينه قارشي كي 1249 ايلينده لودويق رهبرليگي‌ايله ميصرده يئرلشميشديلر، ساواشدي.

يمنده ده بير چوخ قادين سياسي گوجه صاحيب اولدولار، ايكيسي مالكه عصما و مالكه آرواي ايدي. اونلارين آدينا دا مسجيدلرده خوطبه اوخوندو.

تورك و موغول توپلوملاريندا قادين دا كيشي‌ايله برابر اورتيمده، سياسته حتّي اوردودا و اؤلكه‌نين ايداره‌سينده و قيساجاسي بوتون ساحه‌لرده فعال‌ايدي. كيشيلرله برابر ساواشا گئدر، قيلينج چكر، ساواش آراباسي سورر و استراتژيك قرارلاردا شيركت ائديردي. حتّي قادينلار موغول خاني‌نين سئچيمينده شيركت ائدرديلر و ساواشلارا اؤز اوردولارييلا قاتيليرديلار. او زامانكي فرمانلارين عونواني (سولطان و خاتونلارين امري‌ايله) يازيليردي.

بو دؤورده بير چوخ قادين حؤكومته يئتيشدي، اونلارين آدينا، سيكّه باسيلدي. بو قادينلار حؤكومتده‌كي بوتون گوجه صاحيبديلر. بونلارين بيرينجيسي توركان خاتوندور، چوخ فعال اولاراق ايرانا گلن ائلچيلرله دؤولت ايشلريني تارتيشير و تصميملر توتار، او كرمان‌دا حاكيميته يئتيشدي 1282 ـ 1256 (ميلادي) ياني 26 ايل بويونجا حؤكومت ائله‌دي. مسجيدلرده اونون آدينا خطبه‌لر اوخونوردو. اونون اؤلوموندن سونرا قيزي پادشاه خاتون حاكيميته يئتيشدي. گؤزلليگي، درايتي و لياقتي‌ايله هر كسي حيران قويان بو قادينين گيرديگي هر مجليسده، سولطان همن آياغا قالخار و اونو اؤز مقامينا آپاراردي.


دؤولت خاتون، ساتي خاتون و تيندو خاتون دا باشقا سولطانلارديلار كي عراقين گونئيينده حاكيم‌ايديلر.

سارا خاتونون دا آديني اونوتمامالييق كي دونيانين شؤهرتلي ديپلوماتلاريندان اولاراق، ميلادي اون بئشينجي عصرده ايراندا يابانجي ائلچي‌لرله گؤروشور، اونلارلا اكونوميك تارتيشمالاردا شيركت ائدير، اونون گؤسترديگي باجاريق و تدبيرلر و بيلگيلر هر كسي حئيران بوراخيردي. او خاريجي اؤلكه‌لرين نوماينده‌لريله دانيشيقلار آپارميش، او عصرده دوغودا و آورپادا تك بير قادين ديپلوماتيدي.

تورك و موغول زامانينداكي قادينلارين دورومونو حيكايه‌لر شكلينده گؤزلجه آنلادان دده قورقورد كيتابي او دؤورده‌كي قادينين دورومونو، قادينين منزيلتيني، چوخ آچيق و آيدين بير شكيلده آنلاتماقدادير. بو حيكايه‌لر او زامانكي ياشام شراييطلريني گؤسترير و او توپلومدا قادينين رولونو آنلادان ان اؤنملي بير تاريخي بلگه‌دير. قادين و كيشي آراسينداكي او آهنگلي ايليشكيني آنلادير. بو حيكايه‌لرده قادين، دوشونن، تصميم توتان، دوشمنلرين علئيهينه ساواشان، اؤزونو، يوردونو و عاييله‌سيني قورويان، گوجلو بير وارليقدير. يئري گلينجه گوجلو بير ساواشچي و يئري گلينجه ده چوخ اينجه دويغولارا صاحيب اولان، سئون ـ سئويلن ظريف و دويغو دولدو بير وارليقدير. سيخينتيدا اولان هر كس اونا باش وورور، حيات يولداشي و اوشاغينين ان ياخشي ياوري اولوب، اونلاري آنلايان، اونلارا اؤيود وئرن، يول گؤسترن و اومودسوزلوقلار ايچينده اومود تاپان، اومود وئرن، اؤيودلريله هر كسه كؤمك ائدن بيريدير.

حيات يولداشيني اؤزو سئچر. و سئچديگي اينسانين دا هر باخيمدان يئرينه و يوردونا و اينسانلارينا صاديق اولماسيني ايستر.

باشقا تاريخ كيتابلاريندا قادين قيسقانج‌ليغين، شرّين، فسادين، شئيطانليغين سيمگه‌سي تانينميش. دده قورقود حيكايه‌لرينده قادين صبرين، سئوگينين، گوجون و فداكارليغين سيمگه‌سيدير.

قادين عاغيلليدير. دوشونر و تصميم توتار. آت مينر، اوباسيني قورتارار. قادين بوتون گؤزلليكلرين سيمگه‌سيدير.

بورادا قادين اينسانليغين ياراديجيسيدير، عائيله و قبيله‌نين اصيل ديرگي‌دير، و كيشي، قادينين يارديمي و مشورتيله ايشلري يؤنه‌دير.

آنا، اينسانليق درسي وئرير. يوردونو سئومگي، اينسانلاريني سئومگي اوشاغينا اؤگردير.

تأسوفله ايراندا، اكونومي شكلي گليشديكجه، قادينين مقامي آشاغي گلدي. اؤزلليكله اوزون حسن آق قويونلودان سونرا، صفوي و اوندان سونراكي دؤورلرده ‌ده قادينلار تماماﱠ كؤله‌لشديلر و ايران تاريخي تماماﱠ كيشي‌سل بير تاريخ اولدو.

قاجار زامانيندا قادينلار حرم اسيري اولموشلار. يوخسول عاييله‌لر، بير آزا پولا چاتماق اوچون قيزلاريني حرم آغالارينا ساتماغا چاليشيرلار. آما قادينلار هر زامان و هر يئرده ان چتين شراييطده بئله بير فورصت تاپيب و اعتراض‌لاريني بيلديريب و استثمارچيلارلا ساواشميشلار. تورك دونياسيندا بونلارين نومونه‌لري چوخدور. قاجار زامانيندا حتّي حرم ايچينده‌كي قادينلار كي گون ايشيغينا بئله حسرت قالميشلار، اؤز ايچلرينده شاها قارشي بسيج اولموشلار. ناصرالدّين شاهين قيزي يازار (من اوروپاداكي قادينلاري خياباندا آزاد دولاشينجا گؤرمك و هايقيرماق ايستيرم، سيزلر كي ايسته‌ديگيز كيمين گزير و ياشيرسيز بيلين و ائشيدين كي سيزين همجينسلريز ايراندا بوتون عؤمرلريني قارانليق اوتاقلاردا گئچيرديب و ايشيق اوزونه حسرت‌ديلر. اونلارين حياتيني ايكي رنگله اؤزتلييه‌بيليرم سياه، او زامانكي ياشيرلار و آغ او زامانكي اؤلموشلر و آغ بير كفنله گؤمولورلر). بو آزاد قادين و باباسي اؤلدوردوغو گونده سئوينرك دئيير «محو اولماق اوزره اولان سلطنته سلام اولسون!».

قاجار زامانيندا قادينلارين و اؤلكه‌نين عليهينه ياشانان بوتون ظولم و سيتملره قارشي قادينلار بوتون وارليقلارييلا ساواشميشلار. قادينلارين اؤزل‌ليكله توتون حركاتيندا (رژي اولاييندا) كي ناصرالدين شاه توتون آليش ـ وئريش امتيازيني انگليس بير شركته وئرميشدي، ايلك دفعه قادينلار اعتيراض ائديب و توتون قولانما تحريمينه، بؤيوك بير دستك وئرديلر. حتّي دئييلير كي ناصرالدين شاه توتون قوللانماق ايسته‌ميش و حرم قادينلاري اونو دينله‌مه‌ميش و تحريم اولموش دئميشلر. ناصرالدين شاه سوروشموش توتونو كيم تحريم ائله‌دي و قادينلار دئميشلر «بيزي سنه حلال ائليينلر».

آديني بورادا گتيرمك ايسته‌ديگيم ظولمون و ايستيبدادين علئيهينه ساواشان و آزاده‌ليك سمبلو اولان قادين زينب پاشا دير كي بوتون وارليغييلا، ظاليملره و احتيكارچيلارا قارشي ساواشميش. هله اونون رولو توتون حركاتيندا و اوندان سونرا دا ايرانا حاكيم اولان آجيليق و قوراقليغا قارشي وئرديگي ساواشلار يادداشتلاردان چيخماياجاق.

مشروطه حركاتينين باشلاماسييلا 20ـ جي يوز ايلده قادينلارين بير چوْخو مشروطه ساواشچيلارييلا برابر چيگين ـ چيگينه ساواشديلار.

قادينلار ايستيبدادا قارشي، مظلوم اينسانلارين آجي دورومونا قارشي ساواشديلار. اللرينده‌كي محدود ايمكانلارا راغماﱠ ديگر قادينلارا سسلريني اوجالتمالاريني، اؤز حاقّلاريني تانيمالاريني و ظولمه قارشي عوصيان ائتمه‌لريني ايسته‌ديلر. اونلار يالنيز قادينلارين آجي دوروملاريني آنلاتماقلا گلمه‌ييب، اؤلكه‌ده حاكيم اولان ظولمه قارشي و خاريجي دؤولتلرين موداخيله‌لرينه قارشي‌دا يازيلار يازيب و اعتيراضلار باشلاتديلار.

20 ـ جي يوز ايلين باشلانقيجييلا اؤزلليكله مشروطه حركاتي قادينلارين اوستونده بؤيوك تأثير قويدو، قادينلار بير نئچه شهرده قادين انجومنلري قوراراق اعتيراضلاريني بيلديرمك ايسته‌ديلر.

انجمن مخدّرات وطن (1328ﻫ . ق) تهراندا قورولوب. هدفي اؤلكه‌نين و قادينلارين ايستيقلاليني قوروماق، روس و انگليس دؤولتلرينين موداخيله‌لرينه اعتيراض، و قيز مدرسه‌لرينين قورولماسي‌ايدي.

انجمن صدر مشروطه كي اونون دا هدفلريندن ان اؤنمليسي يورد ايچي توليدلريندن حيمايت ائله‌مك و قوللانماق، خاريجي اؤلكه‌لردن گلن ماللاري تحريم ائتمك، قيزلارين تعليم و تربيتينه دگر وئريب و قيز مدرسه‌لري‌نين آچيلماسي‌ايدي.

انجمن حريت نسوان، قادينلارا ايجتيماعي و سياسي حاقّلار قازانديرماق آماجييلا قورولدو. ناصرالدين شاهين قيزلاري تاج‌السلطنه و افتخارالسلطنه ده بو انجومنين عضولريندنديلر.

دئمه‌لي بو انجمنلرين قورولماسي و قيز مدرسه‌لري‌نين آچيلماسي يالانچي دين آداملاري طرفيندن شيدّتله موخاليفت گؤردو. بو ديندن خبرسيز جاهيل‌لرين آماجي قادينلارين جهل ايچينده قاليب و كؤله‌لَشمه‌لري‌ايدي. اونا گؤره‌ ده قيز مدرسه‌لري‌نين آچيلماسي‌ايله تماماﱠ موخاليفت ائله‌ييب و باشقا خبرسيز اينسانلاري‌دا «دين الدن گئدير دئيه» عوصيانا چاغيرديلار. جاهيل اينسانلار دا بو چاغيريلارا لبيك دئميش، قيز مدرسه‌لري‌نين قورولماسي‌نين علئيهينه اللريندن گلني ائله‌ديلر.

اونلاردا چوخ ياخشي بيلير كي اگر قادين اويانيرسا، آيدينلارنيرسا و اؤزونه گليرسه بو ظاليملرين و سومورگه‌چيلرين ايشي كساد اولاجاقدير.

پهلوي‌لر زامانيندا دا قادينين دوروموندا بير دوزه‌لمه اولماميشدير. نه قدر رضا شاه، گتيرديگي كشف حجاب قانونو ايله قادينلاري مودرن‌لشديرمك ايسته‌سه‌ده بو قانون، قادينلارين قورتولوشونا دگيل اونلارين داها چوخ اسير اولماسينا نه‌دن اولموشدور. چونكو اوندان اؤنجه باشلاريني باغلاييب ديشاري چيخانلار دا، بو دفعه باشلاريني آچماغا مجبور اولدوقلاري اوچون ائو اسيري اولموشدولار.

محمد رضا پهلوي زاماني‌نين مدني قانونونا بير نظر سالساق بو دؤورده‌كي قانونلارين قادينلارين اسارتي‌نين بير قباله‌سي اولدوغونو گؤره‌ بيليريك. بير توپلومدا قادينلارا حاق قازنماق اوچون ايلك اؤنجه او توپلومداكي حاقلار و قانونلاري قادينلارلا باريشيق حالا گتيرمك گركير. آنجاق تعليم و تربيه يولو ايله اينسانلارين بئينيني و دوشونجه‌سيني قادينلارلا باريشديرا بيليريك...

پهلوي خانداني‌نين مودرن دئيه آدلانديرديغي مدني قانون دا ساده‌جه قادينين عليهينه و اونون ايكينجي صينيف وطنداشليغيني وورغولايان قانونلار وار.

مثلاﱠ ماده 1043 ده قانون، 18 ياشينا گلميش بير اوغلانا اؤزگورجه اؤز ائوليليگي حاقّيندا تصميم توتابيله‌جگيني، آما بير قادينين ائوله‌نمه‌سي اوچون 50 ياشيندا اولسا بئله باباسيندان و يا بؤيوك باباسيندان ايذينلي اولماسيني ايستر.

مدني قانون، آتاني عاييله رييسي اولاراق تانير و قادين يئنه ايكينجي صينيف وطنداش اولاراق تانيديلير.

بو قانون قاديني هر نئچه ياشدا اولورسا اؤز گله‌جگي اوچون تصميم توتماقدان عاجيز گؤرور و تصميم توتما قابيليتيني تماماﱠ قاديندان آلير. ياني قادين نئچه ياشيندا اولورسا اولسون، هئچ بير زامان تصميم توتما روشدونه گلمه‌يه‌جكدير.

بير آنا اوشاغي‌نين ويلايتيني بوينونا آلانماز دورومدادير و اگر اوشاغين آتاسي اؤلورسه اوشاغين ويلايتي بؤيوك دده‌يه يئتيشير و آنانين بو قونودا هئچ حاقّي يوخدور.

قادين آنجاق اَرينين موساعيده‌سيله ايشلييه بيلر. ايشي حاقّيندا آنجاق اري ايذن وئرير، اؤزو بو حاقّا صاحيب دگيل.

يوخاريدا سايديغيم قانونلار گويا مدرن مدني قانون و پهلويلر طرفيندن قادينين حاقّيني قورماق اوچون قويولموشدور.

بو يازيلاردان هدفيميز نه‌دير؟

قادينين تاريخده‌كي رولونو آنلاتماق نه‌يي دگيشديرير نه‌لر گتيرير و نه‌لر گؤتورور؟

اوتوروب‌دا گئچميشلريميزله اؤيونمك بيزي قورتاراجاق‌مي؟

بو يازيني يازماقدان مقصديم، بيزيم ايچيميزده‌كي ظرفيتي و گوجو تانيتماقدير.

اصلينده گئرچك تاريخي اوخويوب و درس آلمالي‌ييق. بيز ايچيميزده‌كي گوجو تانيمالي‌ييق. بيزيم آنالاريميز هانسي شراييطده سسلريني اوجالتميش، ظولمه و جهله قارشي ساواشميشلار، و بو ساواشلاردان‌ دا چوخ واقت غاليب چيخميشلار. بيزيم گوجوموزدن قورخانلار بيزيم هر بيريميزي بير وسيله‌ايله مشغول ائله‌ميشديلر، بير چوخوموز اؤزوموزه يابانجي اولموشوق.

اينسانلار آنجاق اؤزلريني تانيماييب و اؤزلرينه گوٍونمه‌ديكلري زامان كؤله‌لَشه‌بيليرلر، بيزيم گوجوموزو يوخ ائتمك ايسته‌ينلرين ايلك آماجي‌دا بيزي اؤزوموزدن اوزاقلاشديرماقدير. بيز آنجاق اؤزوموز ايسترسك اؤزوموزو دوزگون تانيدا بيليب و اؤز تاريخيميزي اؤزوموز يازابيلريك.

بيز ايلك اؤنجه اؤزوموزو تانيمالي‌ييق.

ساغدان ـ سولدان مدد اومماق ‌ايله بير يئره يئتيشمك اولماز بيز اؤزوموز اولوب، اؤزوموزو مسئول گؤروب و عمل ائله‌مه‌لي‌ييك.

هله بيز، غئيرحاكيم ائتنيك قروپونا باغلي اولان قادينلار توپلومدا دؤردونجو صينيف وطنداش وضعيتينده‌ييك. اؤلكه‌ميزين هئچ بير يئرده و هئچ بير توپلومدا نومونه‌سينه راستلانمايان طبقه‌لنمه و هيرارشيك سيستمينده، حاكيم ائتنيك قوروهون كيشيلري بيرينجي صينيف، بو قروپون قادينلاري ايكينجي صينيف وطنداش اولوب و بئله‌ليكله غئيري ـ حاكيم قروپلارين كيشيلري اوچونجو صينيف وطنداش وضعيتينده و غيري فارس قادينلار دا دؤردونجو طبقه‌يه يئرلشديرميشلر. بو نه دئمكدير؟

بو بيزيم ايسلامي توپلوموموزدا كي بوتون اينسانلارين برابر درجه‌ده ياشاماسي و برابر ايمكانلارا صاحيب اولماسي گركير، آزينليق آدي وئرلين قادينلارين مقامي‌نين دؤرد طبقه يئرين آليندا اولماسي دئمكدير. بو قادينلار ان كيچيك حاقّلارينا صاحيب اولماق اوچون، ايرلي‌له‌مك و بير يئرلره يئتيشمك اوچون آنجاق ديرناقلاري‌ايله او تورپاقلاري قازيب و انگللري اورتادان قالديرماليديلار.

آمارلارا گؤره قادينلار اؤز ائتنيكلرينه ان چوخ يابانجي اولانلارديرلار. بونون ندنينه بير باخاق، بيزيم توپلوموموزدا ذاتاﱠ قادين عوموم حالدا ايكينجي صينيف وطنداش اولاراق دونيايا گلير، هله بو قادين بير ده غير فارس ايله يئري ايكي درجه‌ داهادا آشاغييا انر و دؤردونجو صينيفه يئرلشديريلير. بو قادين جينسيتيني دانماديغي اوچون تك آلترتاتيوي باغلي اولدوغو اتنيك قروپونو دانماق اولاجاق، بو وسيله‌ايله اؤزونو ايكي درجه‌ ده آشاغييا دوشمكدن قورتارماغا چاليشير.

قادينلارين وظيفه‌سي چوخ اؤنملي و موقدس‌دير. عوموم حالدا بير توپلومون ايرليله‌مه‌‌سينده و هله بير ائتنيك قروپون ياشاماسي و دگرلرينين قورونماسيندا قادينلارين چوخ بؤيوك روللاري واردير. اؤنجه‌دن قادينلارين تاريخده نه قدر بؤيوك رول اويناديقلاريني گؤردوك.

بير توپلوم اينسانلار طرفيندن يؤنه‌ديلير و بو اينسانلار ايلك درجه‌ده قادينلار طرفيندن يئتيشديريلير.

اونوتمامالييق كي اوشاقلارين ياني توپلومون گله‌جك يؤنتيجيلرينين يئتيشمه‌سينده آنا ان بؤيوك رولو اوينار. اوشاق باغلي اولدوغو دگرلري اوّل درجه‌ده آناسيندان گؤرور و اؤگر‌نير. آنجاق آنا اؤزونه گوو‌نن، خالقي و توپلومونا باغلي بيري‌ايسه، اوشاق دا او دگرلري منيمسه‌يه‌جك. اؤزونه و خلقينه يابانجيلاشميش بير آنا توپلومونون اونا سوندوغو چتينليكلردن قاچان، يالانچي دگرلره توتولان، اؤزونه گو‌نمه‌ين و ضعيف بير كاراكتره صاحيب اولان بير موربّي اولوب و البته كي بونو دا اوشاقلارينا ياني توپلومون گله‌جگي نسيله مونتقيل ائله‌يه‌جكدير. بير توپلومون گئري قالماسي او توپلومو يؤنده‌نلرين يئتشكين و عاغيللي اينسانلار اولماديغيني گؤسترير. باخين بير آنانين بيلينج‌سيز ضعيف اولماسي نه‌لره يول آچار. اونوتميياق كي بيزلر اؤزوموزون، گئچميشلريميزين، گله‌جك .

[1] - سوسيولوژي دوكتورو- هامبورگ اونيورسيته‌سي علمي هئيأتي اويه‌سي

posted by